منى الشاذلى خلال الجزء الثانى من برنامجها "معكم منى الشاذلى" الذى استضافت فيه نجوم الشباب من برنامج الدوم، سؤالا على ضيوفها: كنت بتخاف من مين فى لجنة التحكيم ؟
قالت الممثلة الشابة نادين خالد: "كنت قلقانة من مروان حامد ومتحمسة فى نفس الوقت، ومن زمان نفسى أمثل قدامه، وكمان المخرج تامر محسن كنت قلقانة وأنا قدامه".
واختار الكثير من الموهوبين فى الغناء الفنانة أنغام كأثر عضو فى اللجنة شعروا بالخوف أمامه، بينما اختار الموهوبين فى التمثيل: "تامر محسن، ومروان حامد".
وخلال الحلقة قالت المطربة الشابة آلاء أيوب: "أنا درست فنون جميلة قسم تصوير، لكن بحب الغناء ، وأهلى رفضوا أدرس الموسيقى، وقالوا لى بعد التخرج اختارى المجال الذى تحبينه.. أنا مطربة فى فرقة أوبرا إسكندرية، وشفت الإعلان أنا وأعضاء الفرقة وقدمنا فى البرنامج".
أمام المطرب الشاب كروان حجاج، قال: "كان نفسى من زمان أشارك فى برنامج مواهب، وخطيبتى شجعتنى عشان أقدم، بعد ما كنت محبط جدا، ولقيت ناس كتير بتقدم ومكنتش متخيل العدد ده كله، كلمتها قلت لها: فى ناس كتير هنا صوتها حلو لكنها حمستنى وقالت: إن شاء الله تنجح ونتوصل لمرحلة كويسة".
وأضاف كروان حجاج: "أمى قالت لى نفسى أشوفك مع منى الشاذلى.. واليوم تحققت أمنيتها".
.
.
.
