قدم دكتور بيطري في عدن القصة الكاملة للحصان الجائع الذي شاهده أبناء العاصمة عدن واقفاً بالقرب من ملعب الحبشي بمدينة كريتر منذ أيام وأثار تعاطف الأهالي نظرا للوضع المزري الذي ظهر به الحصان وهو هيكل عظمي.

وقال الدكتور البيطري أكرم منجي بن حسن الذي قال أن الحصان الجائع يتبعه ..

الحصان شغال في ساحل أبين ... واستوا عنده كسر وجابو واحد يجبر وجبر له الكسر غلط ، المهم من بعد ذيك اليوم انا اشوف الحصان واقف بالساحل مهمل يعني يعطوه شوي اكل لما سالت فين صاحبه قالوا سافر شبوة بيشتري حصان المهم شليت رقمه طلع الرجال يشتي يبيعه ب3000 سعودي ، قلتله انت مجنون حصان رجله مكسور تبيعه بذا السعر. 

المهم قلتله بعطيك أسبوع وانت بتخسر فوقه كثير ، و فعلا جزعت له بعد أسبوع وعرضت عليه ميتين الف واخذته ، وعلى أساس صاحب مزرعة في جعولة معه أنثى بياخذه ، وديته لهناك وبعد شهر ارجع اشوف الحصان هزيل وبعد الأنثى حقته هزيلة  يعني أهمل ذا و ذيك ورجعت سحبت الحصان و بعد ثلاث أيام أسمع أن الأنثى حقه ماتت من الجوع.

المهم جبته لكريتر حطيته جنب عيادتي في بقعة وبدأت اكله واشربه و بدا يصحصح وفجأة اجا صاحب البقعة يشمت قال ابعدو الحصان ، العيادة قدام الشرطة وأصحاب الشرطة دخلوه الحوش وجلس أسبوع واجا قائد المنطقة وقال خرجوه ، رجعت ربطته عند الميدان الحبيشي،واخذت له جونية بوشة واطحن له مع البر واعمل فيه شعير المنظمات واعطيه باليوم اربع قصب والحمدلله بدأ يتعافى كان قبل أخص من كذا الحمدلله اتواصل معي واحد بياخذه